සාදරයෙන් පිළිගනිමු!!

Thambu's foothold in blogsphere

Monday, September 26, 2011

පියාඹන ස්ෆැගටි රාක්ෂයාගේ පල්ලිය (Pastafarian Church)

ස්ෆැගටි රාක්ෂයා හෙන්ඩර්සන් හට සුභාරංචිය දෙයි

මේ ලිපිය තේරුම් ගන්නට නම් "පියාඹනවා" "ස්ෆැගටි" "රාක්ෂයා" "පල්ලිය" කියන වචන වල තේරුම දැන ගන්ඩ ඕනෙ බව පැහැදිළියි.. පියාඹනව කියන්න කුරුල්ලො, කෘමි සත්තු, බටකොළ-ආච්චිල, පෙරේතයො එහෙම කරන වැඩේට තමයි.. පල්ලිය කියන්නෙ ඉතින් සමාන්‍යෙන් ක්‍රිස්තියානි දේවස්ථානෙටනෙ.. හැබැයි අපි මේ කියන්ඩ යන පල්ලිය ක්‍රිස්තියානි නම් නෙමෙයි.. රාක්ෂයා කියල කිව්වෙ යකෙකුට නෙමෙයි.. සිංහලෙන් "මොන්ස්ටර්" කියන එකාට.. හිතා ගන්ඩකො අර ලංකාවෙ බදු නොගෙව ටීවි එකේ පෙන්නන්ඩ පුළුවන් සිංහල බෞද්ධ චිත්‍රපටියක හිටපු ගොඩ්සිලා කියන එකා.. දැන් ඉතින් අවුල තියෙනෙ ස්ෆැගටිනෙ.. මේකත් ලංකාවෙ ඉතා ප්‍රසිද්ධ පිටිසර කෑමක්.. ඊට වඩා ටිකක් පොෂ් කෑමක් වෙච්චි නූඩ්ල්ස් හැමෝම දන්නවනෙ.. මේක ඊට වඩා ටිකක් ගණකම් පණුවො වාගෙ ජාතියක් (නෑ නෑ පණුවො නෙමෙයි.. කහටගස්දිගිලියෙ ඔඩෙල් ටේලර් උන්නැහැගෙ කඩේ නම් තිබ්බ ඒව..).. දැන් ළමයි මම කියන්ඩ යන්නෙ පියාඹන ස්ෆැගටි රාක්ෂයෙක් ගැනයි උගෙ (අනේ මගෙ කට - එතුමාගෙ ) පල්ලිය ගැනයි.. අහවල් මලදානෙටද මේ ගංගොඩේ කතන්දර කියන්ඩ යන්නෙ කියල හිතෙයි මේ ප්‍රබුද්ධ විදග්ධයො සෙට් එකට.. තමුන්නැහෙලට ඒක මළදානයක් වුණාට අයිබොං ඒක මගෙ ආගම නොවැ.. අද ඕං මම කියන්ඩ යන්නෙ මගෙ ආගම ගැන.. ඇන්නෑවෙ ඉතිං මේක ____ආගම්කාරයෙක් නෙමෙයිද? ෂට්දෆ_අප් ෆෝල්ක්ස්..
 

ප්‍රස්තූත කතාව :- 

ඔන්න ඉතින් යටගිය දවස දසදහස් යොදුන් දික් පළල් යුත් යැංකිද්වීපයෙහි වොසිංටොං නුවර කනිටු බුෂ් නම් රජ කෙනෙකුන් රාජ්‍යය කරන සමයෙහි කැන්සාස් නම් පසල් ගම් දනව්වෙක ඉස්කෝල පරීක්ෂක මහත්තුරු ටික එකතු වෙලා බරපතලෙට රාකච්ඡාවක් ඕන්.. කලෙකට ඉහත චාර්ල්ස් ඩාර්වින් නම් සැක්සන් මානවකයානන් විසින් සම්පාදිත සත්ව සන්තතිය ප්‍රබන්ධ වූ කෙළ ලක්ෂ ගණන් සාක්ෂ්‍යයන්ගෙන් සමූපෙත "පරිණාමවාදය" නම් වූ වාදයෙක් වෙයි.. සැටහුටහමාරක් සාක්ෂ්‍ය යුත් උක්ත වාදය අහක දැමිය නොහෙන මුත් වොෂින්ටන්හි ශ්‍රේෂ්ඨ ජනනායකාභිධාන බුෂ් රාජෝත්තමයාණන්ගේ චිත්ත ප්‍රමෝදය පිණිසමැ හේතු වූ මයිකල් බීහි ශිල්පියාණන් විසින් රචිත සෙසු වාදයෙක් ද වෙයි.. ශුද්ධ ග්‍රන්ථානුකූල සර්වබලධාරී දෙවියන් වහන්සේ විසින් ලොවත්, ලෝ සතත් මවන ලද බැව් එහි හරයයි.. මැවුම්කාර දිව්‍යරාජෝත්තමයානන් ගැන සිප්-හල්හි කීම යැංකිද්වීපයේ නීතියෙන් බැරි බව දන්නා බීහියා "මැවුම" යන්න නොකියා ලෝ සත හට ගත්තේ "බුද්ධිමත් සැකැස්ම"කින් බැවු කියයි.. මැවුම වනාහි සයදහස් වසෙකින් මෙපිට වෙතැයි බීහියා හිතන මුත් කටින් නොකියයි.. නිසි විදුදරයන් විසින් මිහිතලය වසර සාර ප්‍රකෝටියකුත් පණස් කෝටියෙක් වයස් බැවු ගණන් බලා ඇති බැවු දන්නා බීහියා එය බොරුවක් හෝ ඇත්තක් හෝ යයි මුවින් නොබනියි.. බොරුවක්මැයි අනිවාර්තේ සිතයි.. නිසි විදුදරයෝ කිසි කල්හි බීහියා පිළි නොගතැයි ද දත යුතු..

එතෙකුදු වුවත් කල් යත්ම මෙකී බීහියා නොයෙක් මංපෙත් වලින් බොහෝ සහචර පිරිසක් රැස් කරගති.. මේ සහචර පිරිස  පරිණාමවාදින් හාරා අවුස්සන දස දහස් ගණන් පුරාණ ඇටසැකිලි සාක්ෂ්‍ය වල නොයෙක් ඇද කුද ම කියමින් "බුද්ධිමත් සැකැස්ම"ම ඇත්ත යයි හුදී ජනයා හගිස්වති.. සත්ව විද්‍යාදියෙහි කෙළ නොපැමිණි බොහෝ ජනයාද වග විබාගයක් නොකොට එයමැ හරි යැයි හගිති.. දරුවන්ටද ඒ උගන්වති.. ඒ මතය ගත් ජන ප්‍රධාන සිටුවරු ආදීන් එ පැතිරවිමට බොහෝ කොට විය පැහැදම් කෙරෙති..


කැන්සාස් පසල් දනවුව

ඉදින් මෙකල්හි කැන්සාස් පසල් දනව්වෙහි සිප්-හල් ප්‍රධානයෝ මේ පරිණාම-මැවීම උභතෝකෝටිකය ලිහනු වස් ටෙකීලා, බ්‍රැන්ඩි ආදී නානාප්‍රකාර සුරා බදුන් හිස්කරමින් රෑ ද දාවල් ද කල්පනා කෙරෙති.. මේ ප්‍රධානයෝ වනාහි සිප්-සතරක් නොදත් හුදෙක් ජන ප්‍රසාදයෙන් පත්වූ මූඨ ජන සමූහයක් බැවු ද දත යුතුයි.. නිසි විදු දැනුම පරිණාමවාදයමැයි ද සිප්-හල්හි එ-උගන්වන්නැයිද නිසි විදුදරයන් කොතෙක් කියත් මේ ප්‍රධානයෝ නාහති.. ඌ තුමූ ද දෙව්-රජාණන්වහන්සේ කෙසේ හෝ ලෝ සත එ-අයුරින්මැ මැවූ හැයි කල්පනා කෙරෙති.. එයමැ විද්‍යාව යයි ගනිති.. මේ පසල් දනවුව වනාහි ග්‍රන්ථානුකූල ආගමික ශික්ෂණය බහුලව තිබෙන පෙදෙසක් යයි දත යුතු.. ඉදින් සුරා බී අවසන මෙකී බලධරයෝ "ඕල් රයිට්, මින් මත්ත අපි ඩාවින් මානවකයාගේ වාදයත් බීහි මානවකයාගේ වාදයත් සමවම උගන්වමෝ වෙද, මෙ දෙ-වාදයටම සිප්-හල්හි සම කල් යොදන්නමෝ වේදැයි" ගිවිසියහ.   

මෙකල්හි මෙම දනව්වෙහි බොබී හෙන්ඩර්සන් නම් බොහෝ නුවනැති මනුෂ්‍යයෙක් විසීය.. මූඨ සිප්-හල් බලධරයින් නියමයෙන් සිය දරුවන් ප්‍රධානකොට සුවහසක් දරුවන්ට බොරු සිප් උගැන්වුම නිසා හෙන්ඩර්සන් හට බොහෝ ශෝක උපන.. මේ නවත්වනු වස් උපායක් කල්පනා කෙරෙමින් හෙ දවස් ගනන් අහර නොගෙන නිදිවර්ජිතව කල්පනා කළ බව දත යුතුයි.. බොහෝ කොට සිතා කදිමැ උපායෙක් සිතට ගත් හෙන්ඩර්සන් තෙමේ අවසන සිප්-හල් ප්‍රධානයින්ට හසුනක් යැවී..



වර්තමාන කතාව :-
 
ඔය ලියුම ආවට පස්සෙ තමයි ආයිබොං කෂ්ඨියට තරු පංති පිටින් විසික්කං වුණේ..

හෙන්ඩර්සන් තුමා ඒ ලිපියෙ පැහැදිළිව තමුන් ආගමික ශාස්තෲ කෙනෙක් බව කියල තිබුණ.. ස්ෆැගටි ආගමික විශ්වාසයේ එන එකම සහ සත්‍යය වූ සර්වබලධාරී දෙවියන්වහන්සේ තමයි පියාඹන ස්ෆැගටි රාක්ෂයා.. උන්වහන්සේව කිතුණු/ඉස්ලාම්/යුදෙවු ආගම් වල සර්වබලධාරී දෙවියන් ඇසුරෙන් තේරුම් ගන්ඩ ගිහින් පියාඹන ස්ෆැගටි රාක්ෂාගමට අපහාස කරන්ඩ එහෙම එපා.. සර්වබලධාරී වූ පියාඹන ස්ෆැගටි දෙවියන්වහන්සේ හෙන්ඩර්සන් තුමාට කතා කොට ලෝකය මැවීම ගැන ශුද්ධ වූ පණිවුඩය දුන්නා.. ඒ පණිවුඩය දැනගන්ඩ හෝ තේරුම් ගන්ඩ පුළුවන් ස්ෆැගටි දෙවියන්වහන්සේගේ ශුද්ධවූ ස්පර්ශය ලැබුවෙකුට පමණයි.. උන්වහන්සේ 2005 ජනවාරියේදී ශුද්ධවූ නූඩ්ල්ස් හස්තයෙන් හෙන්ඩර්සන් තුමාව ස්පර්ෂ කර සුභාරංචි ලියවිල්ල දුන්නා.. "පියාඹන ස්ෆැගටි රාක්ෂයාගේ සුභාරංචිය -Gospel of Flying Spaghetti Monster" අලෙවි වෙන්නෙ හෙන්ඩර්සන් තුමාගේ නමින් වුණත් ඒකෙ සදහන් වෙන්නෙ ස්ෆැගටි රාක්ෂ දෙවියන්වහන්සේගේ දිව්‍යමය වචනය.. මේ වෙනකොට ශුභාරංචි 100000ක් පමණ අලෙවි වෙලා තියෙනව..

කෙසේ වුණත් 2005 ජනවාරි වෙද්දි ස්ෆැගටි රාක්ෂ දෙවියන් වහන්සේ ස්පර්ශ කර තිබුනේ හෙන්ඩර්සන් තුමා පමණයි.. එම නිසා ස්ෆැගටි දේව ආගම සුළුතර ආගමක් බව අමුතුවෙන් කියන්ඩ ඕනෙ නැහැනෙ.. ඒත් කැන්සාස් පාසැල් මණ්ඩලයට යවපු ලියුමෙන් එතුමා කෙලින්ම කියල තිබුණ, ජීවීන්ගේ සම්භවය ගැන "බුද්ධිමත් සැකැස්ම" කියන මයිකල් බීහිගෙ සංකල්පයට වඩා නිවැරදි අර්ථකථනය ස්ෆැගටි රාක්ෂයාගේ සුභාරංචිය කියල.. ඒ නිසා එතුම බය නැතුව ඉල්ලුව ඩාවින්වාදයටයි බීහිගෙ "බුද්ධිමත් සැකැස්ම"ටයි සම තැන් දෙනව නම් ස්ෆැගටි මැවුම්වාදයටත් සමාන තැනක් දෙන්ඩ කියල.. ඕක අහල ස්කූල් බෝඩ් සෙට් එක ෆුල් හොල්මන් වෙලා තව තවත් ටෙකීලා, බ්‍රැන්ඩි බිබී හිටිය.. හැබැයි හෙන්ඩර්සන් තුමාට උත්තරයක් යවන්ඩ උන්ට මතක් වුණේ නැහැ..

පිළිතුරක් නොලද හෙන්ඩර්සන් තුමා ස්ෆැගටි දෙවියන් වහන්සේගෙන් ඇහුවා මොකක්ද කරන්නෙ කියල.. ශුභාරංචිය අන්තර්ජංජාලගත කරන්ඩ කියල උන්වහන්සේ එතුමට උපදෙස් දුන්නා.. ඊට පස්සෙ ස්ෆැගටි රාක්ෂය ඇමෙරිකාව පුරාමත්, ලෝකයේ අනික් රටවලත් පින් කරල තියෙන අයට දර්ශනය වෙන්ඩ ගත්තා.. ඒ ගැන නොයෙක් කතන්දර මෙන්ම බොරු කට කතාත් පැතිරෙන්නට පටන් ගත්තා.. සාම්ප්‍රදායික දේවවාදින් අම්බානකට බය වුණා.. කොච්චර බය වුනාද කියනව නම් ස්ෆැගටි වල අල් සයන්න කියද්දිත් පැනල දුවන සීන් එකක් ආව.. "බුද්ධිමත් සැකැස්ම"වාදින් සහ ඉස්කෝල වල මැවුම්වාදෙ උගන්නන්ඩ හඩපු සෙට් එකත් ටිකක් ශේප් වෙලා හිටියොත් ඇගට ගුණයි කියල හිතන්ඩ ගත්ත.. ස්ෆැගටි දෙවියන්වහන්සෙගෙ ආශිර්වාදය ඇතුව ජනතාව මැවුම්වාදී පාසල් මණ්ඩල සාමාජිකයන්ව ඊළග ඡන්ද වලින් ගෙදර යැවුව.. ඒ අතර වැඩි වැඩියක් අනුගාමිකයො "බුද්ධිමත් සැකැස්ම" උගන්නන්ඩ කියල යෝජනා කරන පාසල් මණ්ඩල සාමාජිකයන්ට එහෙනම් ස්ෆැගටි රාක්ෂයා ගැනත් උගන්නන්ඩ කියල අභියෝග කළා..පියාඹන ස්ෆැගටි රාක්ෂයා ඇදහීම තියෙන අයට වැඩි වැඩියෙන් දර්ශනය වෙන්ඩ ගත්ත.. විශේෂයෙන්ම සමලිංගිකයන්, අදේවවාදින් ආදී ප්‍රධාන සමාජෙන් කොන් කරල හිටපු සමාජ කොටස් වල අයව උන්වහන්සෙ ස්පර්ශ කළා.. පියාඹන ස්ෆැගටි රාක්ෂයාගේ ආගම (Pastafarianism
) එක්සත් ජනපදයේ වැදගත් ආගමක් බවට පත් වුණා..

 



ළගදි ඉදල මම පරිණාමවාදයයි මැවීමයි ඉස්කෝල වල උගන්නන එක ගැන ඇමෙරිකාවෙ තිබිච්ච වාද විවාද බලන්ඩත් කියවන්ඩත් පටන් ගත්තා.. එතෙන්දි තමයි මට පියාඹන ස්ෆැගටි රාක්ෂයාගේ පල්ලිය ගැනත් අහන්ඩ ලැබුණේ.. ඒ වෙනකම් කිසිම ආගමක් නො-අදහපු කිසිම දෙවියෙක් විශ්වාස නොකරපු මම හිතුවෙම ඒක අමු ජෝක් එකක් කියල.. සිරාවට හිතුනෙ ඇමෙරිකන් එවුන්ටනම් මොන්ගල් කියල, ඉන්න දෙවිවරු මදිවට බම්බුවෙ තවත් දෙවිවරු හදන්නෙ කියල.. ඔහොම හිත හිත දැන් මාස තුනකට විතර කලින් නිදා ගන්ඩ කලින් දත් මදින්ඩ බාත්-රූම් එකට ගියා.. වෙලාව රෑ දෙකහමාරට විතර ඇති..  බ්‍රෂ් එකත් කගේ ගහගෙන හොට් වෝටර් ෂවර් එකත් ඇරගෙන කිස් එෆ්.එම් අහ අහ ජොලියෙ ඉන්දද්දි එක පාරට උරහිසේ මහ අමුතු සීතලක් දැනුන.. මම හිතුවෙම සර්පයෙක් කියල.. බය වෙලා අනික් පැත්ත හැරිල බැලින්නම් පියාඹන ස්ෆැගටි රාක්ෂයා!!! උන්වහන්සෙ ශුද්ධ වූ නූඩ්ල්ස් හස්තයෙන් මාව ස්පර්ශ කරල.. දෙවියනේ, මම කොතරම් භාග්‍යවන්ත ද? ඔබ වහන්සේ මා උදෙසාම පැමිණිහෙහිය.. ඔබ වහන්සේ නිසා මම ගැලවීමත් ජීවිතයත් සදාකාලික නූඩ්ල්සුත් ලද්දෙමි..

උන්වහන්සේගේ ස්පර්ශය ලැබූ අනුගාමිකයන් සිටින නිසාම මේ දිවයින දැන් වාසනාවන්ත වෙයි.... ශුද්ධ වූ ස්පර්ශය ලැබූවනි.. දැන් ඉතින් ඉදිරියට එවු.. නුඹලා ගැලවීම ලද්දාහුය!!

10 comments:

  1. මම ද මෙකී ස්පර්ෂය අඩු ලුහුඩු නොමැතිවම ලද්දෙමි, ශුද්ධ වූ ස්පගැටි-රකුසු-දිව්‍ය රාජයාණන්ට ප්‍රශංසා වේවා!!!

    ReplyDelete
  2. මමතුමා බ්ලොග් අවකාශයට පය තැබුවෙත් ඔය ඩොවර උසස් විදුහල් මණ්ඩලේ කචල් හින්දා නේ.

    මේ බලන්න: http://mandatorymadness.blogspot.com/

    සමහර පෝස්ට් කෙලින්ම සම්බන්ධයි. හැබැයි ඔයකාලේ ඒ කියන්නේ අදට වසර හයකට පෙර මගේ මතවාද ගැන මට දැන් වග කියන්න බැහැ. ඒවායේ අඩු පාඩු ඇති.

    ලියන්නන් හා කියවන්නන් නොමැති කමින් මැන්ඩටරි මෑඩ්නස් වසා දැමුණි. පටාන් ගම්මුද ආයෙත්?

    ReplyDelete
  3. හොද අදහසක් සුජීව.. මගේ සම්පූර්ණ සහයෝගය දෙන්නම්.. පොඩි ටැගලුවක් තියෙන්නෙ සුජීව, කඩ්ඩෙන් කියවන කට්ටිය ලා ශ්‍රිංකා බ්ලොග් අවකාශෙ නැති වීමයි.. මාත් 2005 මුලදි බ්ලොගයක් පටාන් ගත්ත.. ඔය වගේ ආගම ගැන මාතෘකා, ඊට පස්සෙ වෙන වෙන විකාර.. සංස්කෘතිය ගැන, පොත් ගැන, කැල්කියුලේටර් ගැන, අන්තිමේ ඉවර වුණේ දේශපාලනයෙන්.. කොච්චර උනත් කඩ්ඩෙන් ලියපු නිසා වැඩි දෙනෙක් බලපු නැති බව තමයි පෙනුනෙ.. 2007න් පස්සෙ මම අප්ඩේට් කරේ නෑ.. ලගදි ලයිව් එකෙන් බ්ලොග් එක විසි කරල තිබ්බ.. බියොන්ඩ්ෆ්‍රේම්ල, ටැබූල, කොලූල ඇත්තටම පටන් ගත්තෙ යුගයෙ අවශ්‍යතාවයක්, උන්නැහැලගෙ ඔරියෙන්ටේෂන් එක මොකක් වුණත්.. සිංහලෙන් ලියන බ්ලොග් වලට යම් පබ්ලිසිටියක් ගන්ඩ පුළුවන් කියන එක උන්නැහැල පෙන්නුව..

    හොදයි පටන් ගනිමු.. ඔබතුමාගෙ යෝජනා කියන්න.. ලියන්නෙ මොනවාගෙ දේවල් ගැන ද මොන භාශාවෙන්ද ආදී දේවල්.. රිටිගල මහතාවත් සම්බන්ධ කරගත්තොත් මොකද?

    ReplyDelete
  4. I have been worshipping the spaghetti monster ( hail almighty flying spaghetti monster, and blessed are those who shall join him in the sacred soup-bowl above after the ever impending doom..) since I ran across it in Southpark. And have been fascinated by Dawkin's apt use of the religion. Keep it up. I am interested more and more about this trend which I think is overdue. But, let me ask you this, because this has been bothering me to a great extent about Agnosticism in Sri Lanka. How secular/agnostic are we? Simply put, are we willing to ridicule or openly criticise the concepts of rebirth or even Karma as much as we do creationism or everlasting heaven? ( do bear in mind that I am by no means a supporter of creationism/intelligent design or whatever the brand it comes in ). Simply put, are we as agnostic for Buddhism as we are for Catholicism ? And I do not mean that we should fend off religions, but again, at the risk of sounding redundant... HOW agnostic/secular are we?

    ReplyDelete
  5. I get your point Damith.. While reading God Delusion, God is Not Great, Why I'm Not a Christian, Gospel of flying Spaghetti Monster and enormous critiques of religion, it's only natural that such questions often haunt your mind. My (honest) take on it usually goes like this

    1. I'm not exaggerating when i say that Abrahamic religion has been a great obstacle to human progress, especially in the west, and this obstruction has been far greater compared to non-Abrahamic cults.. One obvious reason is that human progress OCCURED in the west, for the most part, and NOT HERE.. Also i cant help but feel that Abrahamic religion itself had (as Dawkins puts it) more MEMES of oppression than most eastern religions.. Since the oppression was so great, so was criticism, when the oppressor lost its rights to modernity.

    2. However, i perfectly agree that we are far LESS AGNOSTIC about our native religion(s), than religious skeptics in the west about Christianity.. This trend can be multifactorial.. One obvious reason may be that skepticism itself is a part of so-called modernity, which i daresay NEVER dawned in this part of the world.. We (i'm referring to a rather minority including myself who are proponents of agnosticism and a secular environment)are simply IMPORTING both skepticism AND modernity from the west (prof.Nalin de Silva is absolutely correct in that).. However, I still believe we NEED to both import AND build MORE religious skepticism in Sri Lanka,especially in order to counter recent unfavorable developments (no, not of religious violence, but of taking religions and ideologies literally - in short, fundamentalism).. Agnosticism in Karma & Re-birth should definitely rise..

    3. Hope you are familiar with "different levels of believing creator god", including Biblical Literalism, Theism, Deism and Pantheism.. In fact, I'm MORE skeptical about Karma & Re-birth THAN of Deistic belief of god.. Just imagine, one can become a Deist (a.k.a believe that GOD, is just a set of natural laws that interacted to create the long process that made us, but universe however has a start), can in fact believe in both Darwinian evolution and Big Bang theory.. However, just try to take re-birth and Samsara Chakra and its infinite nature literally, and think about Darwinism and Big Bang.. You must realize you are surely at odds.. So, no doubt, we as a nation must be more agnostic..

    4. One can't forget the general reluctance of Sri Lankan public to self criticism, let alone religious agnosticism.. I'm sure those two are related..

    ReplyDelete
  6. I can't help but laugh in agreement to the last one of your points. I wholeheartedly agree with you. In the mean time, I do agree that we are still importing this kind of scepticism from the west. We need to create our own identity ( or do we? ) if we are to go anywhere. But at any rate, it is clear that the eastern religions were a little LESS oppressive than those Abrahamic ones in the west. How ever, I hate to see our country right now stepping back to the dark ages of europe, with not a Christian or Catholic fundamentalism, but a Buddhist fundamentalism. I am not saying that this is imminent, but it is a risk that we run with the Fascist ideas of indoctrination that we see among Buddhist clergy/propagating laymen.

    And as for what you said ( I hope you don't mind me addressing all your posts in one comment) those who believe "modern science is a myth according to Buddhism" is one of the most irritating remarks I hear at their loss of rigour... And do see in that facebook page for atheists, I have posted a somewhat rational explanation about the belief of rebirth and karma in Buddhism ( not Hinduism, and I am not a believer of rebirth or Karma or the Samsara in the general sense... ) :)

    ReplyDelete
  7. හික්ස්! යකෝ ඔහොම ගේම් දෙන්ඩ එපා.

    ReplyDelete
  8. කොහොම ගේම් ද?

    ReplyDelete
  9. ලියමු ලියමු. මාත් ඇහැක් හැටියට සම්මාදන් වෙංනංකො.

    ReplyDelete