මිලර් බාස්ගෙ මුක්කුව (කෙටිකතාවක් නොවේ)

          හෆොයි, තාඹුවට බ්ලොගක් ලියන වගේ වගක් නැතුව ගියා නොවැ.. බ්ලොග විතරක් නම් මදෑ.. පහුගියෙ දොහේ පොරට අන්තර්ජංජාලෙ කියල රෙද්දක් තියෙන බව වත් නිච්චියක් වුණේ නෑ ආයුබෝං.. රෑ දාවල් නැතුව පොලක් කඩන්ඩ ගොහිං අන්තිමේ කොල්ලට පොල් ගාන්ඩ තමයි ඉෂ්ට සිද්ද උනේ.. ඉතිං ඕන් කාලෙකට පස්සෙ ලඟදි එක්සෑම් කොරපු ජුන්නෙකුට පොල පංගාත්තු කොරල ගෙදර ඇවිදිං බවුද්ද සඟිස්කුරුතෙ විනාස කොරන ඇන්ජිඕ එහෙකිං තෑගි හම්බෙච්චි ලැපත් දාගෙන පොර ලෑස්ති වුණේ නැතෑ "මිලර් උන්නැහෙගෙ මුක්කුව" ගහන්ඩ.. අම්මට උඩු.. චින්තන පර්සදේ, ආරස්සක අමාත්‍යංසෙ, සිංහල රාවය.. වැස්සකටවත් සෙට් වෙන්නැති පෘථග්ජනයො ටික සෙට් වෙලා හෙන ගේමකට.. වෙන මොකටවත් නෙමෙයි, වොයිස්-ඔෆ් -තාඹු සයිලන්සර් කොරන්ඩ.. 

"අඩ්ඩොහ්, ටෝ අෆේ ඇමටිල ගැන හේම මොකුට් ඩාන්නෑ අලි??"

"අනවසර බ්ලොගයක් පවත්වාගෙන යන නිවසක් වැටලීම සඳහා සිංහලරාවය ජාතික සංවිධානයේ භික්ෂූන් වහන්සේ ප්‍රමුඛ ගිහි පැවිදි පිරිසක් සැරසෙයි.. වොයිස් ඔෆ් තාඹු නම් මෙම බ්ලොග් අඩවිය බුදු දහමටත් බෞද්ධ ජනතාවටත්..."

"බීකේතාඹුගල නම් අනුකාරක ඇංකරයෙක් ඩෝකින්ස්, හිචන්ස් ආදී ඊනියා අදේවවාදීන් යයි කියාගන්නා යුදෙවු ග්‍රීක ක්‍රිස්තියානි මෝර්මන් පැස්ටෆේරියන් අඟුටුමිටි පඬියන්ගේ ප්‍රවාද වල දහවෙනි කාබන් කොපි කැඩිච්චි ඉංග්‍රීසියෙන් පරිශීලනය කර අපටත් අපගේ සිංහල බෞද්ධ සංස්කෘතියටත්..."
 

          කිරි අෆ්ෆට මහසෝන ගහෆි කිව්වලු.. මගෙ දුප්පත් බ්ලොගට ෆුල් බ්ලඩඩ් කවුන්ටර් ඇටෑක් එකක්.. තාඹුවත් ඉතිං අත ඇරියෙ නෑ.. කෝකටත් කියල කැස්පර්ස්කියයි මන්නෙයි අතට අරං මුවාත බලද්දිම..

"පුතේ, මේක බීල හිටියනං".. අම්ම කෝපි කෝප්පෙකුත් දික් කරං.. එතකොටයි මීටර් වුණේ කොල්ල මෙච්චර වෙලා දැක්කෙ උණ විකාරෙට පේන හීනයක් කියල.. පොලට ආපු එකෙක්ට තිබ්බැයි මෙච්චර තදේට උණ?? 

          ඔයාකාර හීන දැක්කාම ආයුබෝං මුනිෂි බය වෙන්නෑ.. උංගෙ හිත් තවත් තද වෙනව, ගල් වගේ.. කොහොමෙං කොහොමෙං හරි අන්තිමේ තාඹුව සතෙං සතේ, රුපියලෙං රුපියල එකතු කරල හෙන ගේමක් දීල ගත්තු උගෙ ඇත්ත ලැපත් දාගෙන සෙට් උණා, මුක්කුව ගහන්ඩ.. 
    

          මිනිසුන් මුක්කු ගහන්නෙ මොකටද? මුක්කු කියල කඩ්ඩෙං කිව්වට ළමයි උඹලට ඕක ඔච්චර මීටර් වෙන්නෑ.. හරි අපි හිංගලෙං අහමුකො "ජැක්" ගහන්නෙ මොකටද කියල.. ආආආආආං දැං මතක් වුණාද?? කෙල්ලො එහෙම පිරිච්චි බස්සෙහෙක කට ගාවට පුරෝල යනකොට හිතහං බලන්ඩ................................................................. ....... ........ ............  ........................................................................................................... ............................................................................................................... එක පාරට රෝදෙක හුලං ගියා.. කොන්ද බැහැල ඇවිල්ල ගහන්නැතැයි ජැක් එක?? හරි, එතකොට ඌ ජැක් එක ගහල බස්සෙකේ ඒ පැත්ත උස්සනව, රෝදෙ ගැලෙව්වාම පාත් වෙන්ඩ දෙන්නැතුව..

එතකොට ළමයි, මේ මුක්කුව හෙවත් ජැක් එකෙං කොරන්නෙ මොකක් හරි අටමගලක් පාත් වෙන්ඩ, කඩං වැටෙන්ඩ දෙන්නතුව උස්සල තියං ඉන්න එකනෙ.. එක එක මුක්කු වලිං හැබැයි උස්සන්නෙ එක එක මගුල්.. වාහන වල මුක්කුවෙං වාහනේ.. මැසිං වල තියෙන යෙක යෙක මුක්කු වලිං ඒ මැසිං වල කෑලි උස්සං තියං ඉන්නව.. බිල්ඩිමක් ගහද්දි බිල්ඩිමේ අච්චුව වැටෙන්නැතුව අල්ලං ඉන්නව.. හැබැයි ළමයි ඔය කොයි මුක්කුවත් හරියට ෆිට් වෙන්ඩ නං පොළව හොඳ හයියට තියෙන්ඩ ඕනෙ.. බුරුල් පොළවක මුක්කුවක් ගැහුවොහ් ඉතිං කෙළිය තාප්පෙටම..

          ඉතිං ඇන්නෑවෙ අපි මේ තාඹුවගෙ ඉලවු බ්ලොගක් බලාන්ඩ ගත්තෙ වඩු කරුමාන්තෙ කොරන්ඩ ය?? තෙපරබාන්නැතුව කියහංකො කියන්ඩ තියෙන දෙයක්.. කවුද මේ මිලර් කියන අපතය?? මොකක් ද උගෙ මුක්කුව?? මොන මළදානයක්ද ඌ ඒකෙං සපෝට් කරන්ඩ යන්නෙ?  

  

          වෙන මොකක්වත් නෙමෙයි ළමයි ඌ සපොර්ට් කොරන්ඩ යන්නෙ.. කඩං වැටෙන්ඩ ඉතා ආසන්න තත්වෙ තියෙන බිත්තියක්.. ඒ තමයි උගෙ ආගම .. මුක්කුව ගහල තියෙන ෆිට් පොළොව තමයි මචන්ලා විද්‍යාව කියන්නෙ (ඕං දර්ශන අංශ වල ඈයො ඇවිත් මෙතන "විද්‍යාව" නිර්වචනෙ කොරන්ඩ කියල ඉල්ලනව එහෙම නෙමෙයි, ලොවේ තියෙන 20කෝස ඔක්කොම උන් තියාන හිට, අෆි වගේ ඩුෆ්ෆට් එවුං ඕනෙ විද්‍යාව නිර්වචනෙ කොරන්ඩ, අබුද්දස්ස ).. හැබැයි ළමයි මේ මුක්කුව නං ලොවෙත් නෑ.. අර නලිනයගෙ චතුර්කෝටිකේ කැලේ.. මොකෑ මේ මුක්කුවත්, අරූගෙ හතරකෝටිකේ වාගේ ඇත්තෙත් නෑ නැත්තෙත් නෑ.. උගෙ ආගම ඒකෙන් සපෝර්ට් කරන්නෙත් නෑ නොකරන්නෙත් නෑ.. අනේ මන්ද.. ලොවෙත් නෑ, ලොවෙත් නැත්තෙත් නෑ.. හැබැයි එකක් තියෙන්නෙ ළමයි, ඌ කියපු එක මෙලෝ පුතයෙකුට නෑ කියන්ඩ නම් බෑ..    

කෙනත් මිලර්

          අලි අලි.. වැඩේ ලතින් වේගෙන එන්ඩ කලිං බලමුකො මොකද්ද මේ සීන් එක කියල තේරෙන කඩ්ඩෙං.. මිලර් බාස් කියන්නෙ ළමයි යැංකිද්වීපෙ ගම්පහ මේරිලන්ඩ් වත්තෙ ඉපදිලා හෙන ගේමක් දීල ඉගෙනගෙන හාර්වර්ඩ් 20විජ්ජාලෙට රිංගගත්තු හාදයෙක්.. ඉඳල හිටල ඔහොම මුක්කුවක් ගහන හින්ද "බාස්" කීවට පොරගෙ නියම ක්ෂේත්‍රෙ නං ළමයි Gව විජ්ජාව.. කොටිම්ම ළමයි කලිං චැප්ටර් එකේ අපි දොඩෝපු ඩෝකින්ස් ගොයියගෙ වගේම පරිණාමික Gව විජ්ජාව.. හැබැයි ළමයි කේස් එක තියෙන්නෙ මූ ඩෝකින්ස් වගේ කොස්සාගමිකයෙක් නෙමෙයි.. ඇත්ත ආගමක් දහමක් තියෙන එකෙක්.. මේරිලන්ඩ්වත්තෙ ඉපදිච්ච ගොඩක් එවුං වගේ මූත් රෝමන් කතෝලිකයෙක්.. (හැබැයි ළමයි මේරිලන්ඩ්වත්තෙ අනික් උං වගේ මූ කසිප්පු පෙරුවෙ එහෙම නෑ හරිය?? පෙරුව නං ඉතිං ගම්පහ උසාවියට නොවැ ගේන්නෙ, අපි දන්නැතෑ??).. 

          ඉතිං ආයුබෝං මේ බ්ලොග් පඩංගුවෙ කලිං චැප්ටර් දෙක තුන කියෝපු හාදයෙකුට (හාදියකට ) නං මේ වෙද්දි තේරිලා තියෙන්ඩ ඕනෙ පරිණාමෙ හින්ද ආගං වලට කෙළ වෙන කෙළ විල්ල.. ක්‍රිස්තියානි, යුදෙව්, මුස්ලිං ආගංවල තියෙන විදියට නං අර දෙයියො කියන ගොං බූරුවට තියෙන කැහිල්ලට ලෝකෙ මවල ඒකෙ ඉන්න සත්තු ටිකත් ඒ විදිහටම මවලනෙ තියෙන්නෙ.. අනාගත වංස දේසනාවෙ තියෙන විදිහට නං ආභස්සර බ්‍රහමලෝකෙං තංගුස් නූලක් දිගේ බැහැලයි තියෙන්නෙ.. නැත්තං මහ බ්‍රහ්මය කියන එකාගෙ කටිං, ඔළුවෙං, __කෙං, කකුලෙ ඇඟිලකරු අස්සෙං තමා සත්තු විසික්ක වෙලා තියෙන්නෙ.. ඔය අති පරසිද්ද පට්ටන්දර ටික ඔක්කොම ළමයි පරිණාමවාදෙත් එක්ක තොලොංචි වෙලාම යන හැටි (මෝඩයිංගෙ ඔළු වලිං ඇර ) කලිං ලියුං වලදි අපි දැක්ක නොවැ.. 

          හැබැයි මචන්ල, අපි ඒ එක්කම දැක්ක සුද්දොංගෙ ඔළු වලිං මැවුම්වාදෙ අයිංකරගන්ඩ බැරුව නඩු දාගෙන නටන තොයිලෙ.. ඕං ඔය තොයිලෙදි තමුං පල්ලි යන ක්‍රිස්තියානිකාරයෙක් උණත් විද්‍යාව පැත්තට කතා කොරපු සිරා ඩයල් වලිං එකෙක් තමයි අපේ මේ මිලර් බාස්.. ඒ බවත් අපි කෙටියෙං හරි කලින් දැක්ක නොවැ.. අද ළමයි අපි බලංඩ යන්නෙ මූ විද්‍යාවෙ ඉඳං ආගමට ගහන මුක්කුව ගැන..

          දැං ළමයි පරිණාමෙ ඇත්ත.. ඒක වෙච්චි බවට අම්බානවල් හතලිස් නමේකට සාක්කි තියෙනව.. ඕකෙං හැම ආගමකම කියන මැවීම කතාවට බඩු පැකට් වෙන බවත් බුදු ෂුවර්.. ඩෝකින්ස්, හිචන්ස් වගේ ආගමක් දහමක් නැති කොෂ්ෂාගමිකයො (මාත් එහෙම ඩයල් එකක් තමයි ආයුබෝං) කියනව පරිණාමෙ හින්ද මැවීමට විතරක් නෙමෙයි ආගං වල තියෙන හැම ලබ්බටම නස්තාර් වෙන්ඩ වැදිල තියෙන්නෙ කියල.. කොටිංම ඩෝකින්ස් ගොයිය කියන්නෙ පරිණාමෙ හින්ද ක්‍රිස්තියානි ආගමේ ඉන්න දෙයියො කියන එකා බොරුවක්ය කියල පේනව, ඒක හිංදමයි ඌ කොස්සාගමිකයෙක් උනේ කියල.. යැංකිද්වීපෙ ඉන්න ඈන් කූල්ටර් නෝන කියනව ඩෝකින්ස් අපායෙ විඳෝන හැටි හිතෙන කොට ඒකිට ෆුල් ආතල් කියල.. හිතල බලහංකො "දෙයියො බොරුයි" කියන එකට ආගංකාරයින්ගෙ පරතිචාරෙ තරම!!.. (පුනරුප්පත්තිය බොරුයි කිව්වත් ඔච්චර තමා.. සසිරිබල මෙසිරිලක නං පිහියක් අතේ නැතුව කියන්ඩම බැරි කතාවක් ඒක!!!)

          ෂරි ෂරි.. ඕං ඔතෙන්දි තමයි ළමයි "ගහ ගන්ඩ එපෝ" කියාන උගෙ මුක්කුවත් උස්සගෙන මිලර් ගොයිය දුවං එන්නෙ.. දුවං ඇවිත් ඌ කියනව ලොවි ගහෙත් නැති අමුතු කතාවක්.. ඒකටම ඌ පොතක් ලියල තියෙන්නෙ ආයුබෝං.. ඒ තමා "ෆයින්ඩින්ග් ඩාර්වින්'ස් ඩෝග්".. කඩ්ඩෙං කිව්වොත් "ඩාවිංගේ බල්ලා සෙවීම"..

          මුලිම්ම ළමයි මිලර් කාරය උගෙ පොතෙං පරිණාමෙ ගැන සිරා විස්තරයක් දෙනව.. කොටිම්ම කිව්වොත් මං හරියකට ඔය අටමගල තේරුං ගත්තෙත් උගෙ පොතෙං තමයි ආයුබොං.. ඊට පෂ්ෂෙ පරිණාමෙට විරුද්ද "තියරි" වලට ඇට්ටි හැලෙන්ඩ ගහනව.. 

          මුලිම්ම ළමයි ඌ අල්ලගන්නෙ අර ලෝකෙ වයස අවුරුදු 6000යි කියන අපතයො ටික.. විකිරණසීලි මූලද්‍රව්‍ය පරමාණු කැඩෙන එකෙං ලෝකෙ වයස ටක්කෙටම කීයන්ඩ පුළුවං කියල ඌ කියනව.. මූලද්‍රව්‍ය ජාති එකක් නෙමෙයි, විස්සක් විසිපහක් අරං ඒවෑ මුල් ලෙවල් එකයි දැං ලෙවල් එකයි කම්පෙයා කොළාම ඒ හැම එකෙම්ම ලෝකෙ වයස අවුරුදු කෝටි 450යි කියල ලෂ්ෂනට එනව.. සත්තුංගෙ ඇටසැකිලි අවුරුදු මිලියන ගණං පරණයි කියන එක ලොවෙත් ඔප්පු වෙනව.. ආයි ඒකෙ දෙකක් නෑ.. ඊට පස්සෙ ඌ හෙන්රි මොරිස් කියන එකාගෙ හද්දම ගොං කතාවට උත්තර දෙනව.. මොරිසය අහල තිබ්බ ලෝකෙ ඔච්චර පරණයි කියල අපි ලව්ව හිතොවන්ඩම දෙයියො හැම ලබ්බම අටෝල තිබ්බ වෙන්ඩ බැරිද කියල.. මිලර් අහනව උඹ අදහන දෙයියො එච්චර කපටි අලුගුත්තේරුවෙක්ද කියල.. ඒකෙං පස්සෙ මොරිසයට විජ්ජාඥයොත් නෑ.. ක්‍රිස්තියානි උනුත් නෑ.. සොරිඩොට්කොම් තමයි.. 

පෘෂ්ටවංශී සත්ව ඇසේ පරිණාමය

          අන්තිමේ අපි කලිං ලියුං වල ෆ්ලැට් වෙන්ඩ කතා කොරපු මයිකල් බීහි කියන අයි.ඩී කාරයව අල්ලං පට්ට ගහනව.. බීහිය කියන්නෙ මොකක් හරි සිස්ටම් එකක එක කෑල්ලක් අයින් කොළාම ඒක වැඩකොරන්නෙ නැත්තං ඒ සිස්ටම් එක පරිණාමෙ වෙන්ඩ බෑ කියල.. පොරගෙ උදාහරණ අතරෙ තියෙන දේවල් තමයි ඇඟ ඇතුළෙ ලේ කැටි ගැහෙන රසායනික කෙමිකල් සෙට් එක.. බැක්ටීරියා වල තියෙන ෆ්ලැජෙල්ලම් කියන කෙඳි කෑල්ල (බැක්ටීරියා වලට ඇවිදින්ඩ සප් එක දෙන්නෙ ඒකෙං).. මිනිහගෙ ඇහැ.. ඔය කයිකතන්දර වලට මිලර් හොදි එපා වෙන්ඩ ආන්සර් දෙනව බීහියට.. ෆ්ලැජෙල්ලම් එකේ කෑලි බර ගාණක් අයිං කොළාට පස්සෙත් යස අගේට වැඩ කොරන හැටි මිලර් ගොයිය පෙන්නල දෙනව.. ඇහේ කාචෙ ෆුල් අයිං කොළාට පස්සෙත් ඇහැ පේනව.. මිනිහගෙ ලේ කැටි ගැහෙන රසායනික කෙමිකල් දොළහම සත්තුංගෙ නෑ.. සමහර සත්තුංගෙ තුන හතරක් අඩුයි.. ඒත් උන්ගෙ ලේ ලොවෙත් කැටි ගැහෙනව, අපේ වගේම.. අනික සිස්ටම් එකේ කෑලි වෙන වෙනම පරිණාමෙ වෙන්නෙ ලබ්බට ද? සිස්ටම් එකම එකට පරිණාමෙ වෙන්ඩ පුළුවන්කම තියෙද්දි? බීහියයි උගෙ අයිඩී එකයි ෆ්ලැටේ ෆ්ලැට්..

          ඔය පට්ටන්දර ටික දිගඇරියට පස්සෙ තමයි ළමයි මිලර් උන්නැහෙ මුක්කුව ගහන්ඩ පටාං ගන්නෙ..
    

විශ්වයේ පරිණාමය

          මුලිම්ම ළමයි, පොර ලොවෙත් පිළිගන්නව පරිණාමෙ ඇත්ත කියල.. පරිණාමෙ ඉතරක් නෙමෙයි විස්වෙ හැදිච්චි හැටි ගැන විද්යාවෙං උගන්නන කතාව.. ඒ කියන්නෙ ළමයි අවුරුදු 13710365410යි මාස 4යි දවස් 28යි විනාඩි 560 කට කලිං බිග් බෑං බෝම්බෙ පුපුරල විස්වෙ හැදුණයි කියන කතාවනෙ.. ඊට පෂ්ෂෙ ඩිංග ඩිංග පදාර්තෙ තැං තැං වල සෙට් වෙලා අලි පත තරු හදල ඒ තරු ඇතුළෙ පොඩි මූලද්‍රව්‍ය වලිං ලොකු මූලද්‍රව්‍ය උයල, කාලාන්තරයක් තිස්සෙ සෙට් වෙච්චි දූවිලි වළාවල් හයි වෙලා තරු, ග්‍රහලෝක මන්දාකිනි, මිනිස්සු, මහින්දයගෙ හෝදන්නැති කුරහං සාටකේ, හැම මගුලම හැදුනයි කියන එකනෙ බොලවු.. 

තහනම් ගසෙන් කෑම

          හැබැයි ඊට පස්සෙ මිලර් බාස් කියපි, ඕක ඔහොමෙයි කියල දෙයියො නෑ කියන්ඩ බෑ කියල.. ඕක අහල තාඹුවට ෆුල් නස්ෆුක්.. ඇයි හත්දෙයියනේ පරිණාමෙ වෙලා නං සත්තුයි ගහකොළයි හැදුනෙ, ලෝකෙයි විස්වෙයි අවුරුදු බිලියන ගානක් පරන නං, බයිබලේ මැවීම කතාව ෆට්ට බොරුවක් වෙන්ඩ එපායැ.. ඒකෙ තියෙන්නෙ දෙයියො කියන එකා මුල ඉඳලම හිටියය, ඌ අවුරුදු 6000කට කලිං ලෝකෙ මවල ඇඩම් ඊව් කියල කපල් එකක් මවල උන් ලවු කර කර ඉන්දැද්දි ඇමෙරිකන් ඇපල් වලට ටැක්ස් ගහන්ඩ ගිහිං ගම කාගත්තු සීන් එකක් නෙ.. (දෙයියො කියල පොර කියන්නෙ ක්‍රිස්තියානි දෙයියන්ට, හරි ය?).. ඉතිං ළමයි ඕකයි, අර විද්යාවෙං කියන බම්බුවයි දෙකම ඇත්ත වෙන්ඩ බෑනෙ.. 

          ඩිංගක් මිලර් කාරය ඇක්ස්ප්ලේන් කොරං යද්දි තමයි ආයුබෝං තේරුණේ මොකාටද මූ එන්ඩ හදන්නෙ කියල.. මූ කියන්නෙ ළමයි හරිම සිම්පල් කතාවක්, කැපිටල් කොරගත්තෙ නැත්තං.. මූ කියනව, හරි, ඔය හැම මගුලම වුණේ විජ්ජාවෙ කියන විදිහට තමයි, ආයි ඒකෙ දෙකක් නෑ… බයිබලේ කියන කතාව ලියල තියෙන වචන වලිං   ගත්තොත් නං අමු බොරුවක් කියල.. ඊට පස්සෙ පොර කියනව, හැබැයි ළමයි අර විජ්ජාවෙං කියන විදිහට ලෝකෙ හදන්ඩ මුලිම්ම ප්ලෑන් කොළේ දෙයියොය කියල.. බිග් බෑං එකෙං විසිවෙච්චි කෑලි ගුරුත්වෙ හින්ද ආපහු ඇවිත් සෙට් උනා නං දැන් තියෙන විස්වෙ හැදෙන්නෙ නෑනෙ ළමයි.. ඒ ටික පුපුරපු පාරට විසික්ක වෙලා මඳ සුළගේ ඈතට ඈතට පාවී ගියා නං මේ විස්වෙ හැදෙන්නෙත් නෑ.. පොර කියන්නෙ ඔය දෙකම නොවී ඒ කෑලි ටික තැං තැං වල සෙට් වෙලා තරු, ග්‍රහලෝක හදිල සමහර ඒවෑ (පොලොවෙ ඉතරක් නෙමෙයි ) සත්තු හැදුනෙ ගුරුත්වාකර්සනේ එක ලෙවල් එකක තිබිච්චි හින්ද කියල.. පොර කියන්නෙ එහෙම කොළේ දෙයියො කියල.. ඊළඟට හයිඩ්‍රජං වගේ ජුන්ඩි පරමානු තව ජුන්ඩක් බර උනානං, නැත්තං සැහැල්ලු වුණා නං ඒව සෙට් වෙලා රසායනික කෙමිකල් හදන්නැතුව නිකං ඉන්නව, එහෙම උනානං අපි හැදෙන්නෙත් නෑ.. ඔය විදිහට ළමයි, පිසික්ස් වල ගනං හදනකොට දාන "නියත" කියන ජාතියෙ ඉලක්කං ජුන්ඩක් එහෙ මෙහෙ වුණා නං අපිත් නෑ, අපි ගහෙත් නෑ.. මිලර් කාරය කියන්නෙ, විස්වෙ හැදිල අපි හැදෙන්ඩ, ඒ ටික කරල දුන්නෙ දෙයියො කියල.. 

          අපි මුලිම්ම කිව්ව වගේ ළමයි, මූ මේ කොරන්නෙ විජ්ජාවෙ ඉඳං ක්‍රිස්තියානි ආගමට මුක්කුවක් ගහන එක.. මුක්කුවෙං වෙන දෙයියෙක්ව උස්සගෙන ඉඳල වැඩක් නෑනෙ ළමයි, ක්‍රිස්තියානි දෙයියො මිසක්කං.. ඉතිං ළමයි, ක්‍රිස්තියානි දෙයියො ලෝකෙ මවල අහක් වෙලා අත පය වකුටු කොරං ඉන්න ගොතයෙක් නෙමෙයිළු.. පොර හැමදාම ඉරිදට පල්ලියෙ වහලෙ උඩට ගිහිං කාරිය, යාඥා කොරන එවුංගෙ යාඥාවල් අහං ඉඳල පොරට කැමති යාඥාවල් වලට උත්තර දීල අනික්වට නිකං ඉඳපියවු කියල යන්ඩ යන ඩයල් එකක්ළු (මම නෙමේ, මිලර් කියන්නෙ ).. ඊළඟට පොරට පොඩි ආතල් එකක් ගියහම නැවු පෙරළල, ඇක්සිඩන්ට් කොරෝල හෙන සීනුත් කොරනවළු.. හැබැයි එහෙමයි කියල හැම මගුලටම අත දාන්නෙත් නැතිළු.. 

          කොහොම හරි ළමයි ඊළඟට පොර සිරා කතාවක් කියනව.. දෙයියො තේරුං ගන්ඩ නං විද්යාවෙ නීතිවලිං බැහැරව බලල බෑ, ඒව ඇතුළෙම බලන්ඩ ඕනෙ කියන එක.. දෙයියො වැඩ කොරන්නෙ ඒ නීති කඩල නෙමෙයි.. ඒ නීති එක්කමයි.. ගොඩක් උන් දෙයියො හොයන්නෙ වැරදි තැං වල කියලයි මිලර් කියන්නෙ.. ඒ කියන්නෙ විද්යාවෙං ඇක්ස්ප්ලේන් කොරන්ඩ බැරි තැං වල.. දැං හිතහං පාස්ටර් කෙනෙක් කියනව "මොන ලබ්බ කරලවත් මලක් පිපෙන එක විද්‍යාවට ඇක්ස්ප්ලේන් කොරන්ඩ බෑනෙ" කියල.. ඒක හද්ද ගොං කතාවක්.. එක්කො ඒවගේ දේවල් විද්යාවෙං දැනටමත් ඇක්ස්ප්ලේං කොරන්ඩ පුළුවං.. නැත්තං ඉස්සරහදි පුළුවං වෙනව.. එතකොට අර කතාව හුදෙක් ගොං කතාවක් බවට පත් වෙනව.. පරිණාම තියරියෙ හිල් අස්සෙං දෙයියො බලන්ඩ යන එකත් ඒවගේම ගොං පාර්ට් එකක් තමයි..

          එතකොට ළමයි විස්වෙ නීති කඩ කඩ ලංකාවෙ දේසපාලුවො වාගෙ හැම රෙද්දටම අත දානෙත් නැති ඩයල් එකක් නම් මේ දෙයියො, පොරව පැහැදිළි කොරන්නෙ කොහොමද? සිම්පල්.. අද කාලෙ හැම අපතයම වාගෙ පොරත් රිසෝට් වෙන්නෙ කොන්ඩම් විජ්ජාවට.. කොන්ඩම් විජ්ජාවෙං ළමයි කලිං විජ්ජාවෙ තිබිච්චි කයිකතන්දර ගොඩක් උඩුකුරුඥ්ඥං ගහලයි තියෙන්නෙ (වැඩි විස්තර වලට ඕන්නං අර නලිං ද සිල්ව උන්නැහේ ගැන මේ බ්ලොගේ තියෙන හෑල්ල කියෝපල්ලකො ).. විජ්ජාවෙ තියරි මුලිම්ම හැදිච්චි කාලෙ හිටපු කොපර්නිකස්, ගැලීලියො, නිවුටන් වගේ ඩයල් හිතුවෙ උන්ගෙ නීති වලිං හැම ලබ්බම ඇක්ස්ප්ලේං වෙනව කියල.. කොටිම්ම ඒව හැම මගුලටම ඇප්ලයි කරොතිං විස්වෙ වෙන හැම මගුලක්ම වෙන්ඩ කලියෙං දැනගන්ඩ පුළුවං වගේ සීන් එකක් තමයි තිබ්බෙ.. අඩුම ගානෙ ඉස්සරහට එහෙම පුළුවං වෙයි කියල උන් හිතන්ඩ ඇති.. හැබැයි ඒ බලාපොරොත්තු වලට ෆුල් කෙල වුණා කොන්ඩම් විජ්ජාවෙං..

          මොකෑ කියනවනං ළමයි, කොන්ඩම් විජ්ජාවෙං අන්තිමේ කියනව හැම මගුලම කලිං ප්‍රෙඩික්ට් කරන්ඩ බැරිය කියල.. දැං හිතහං කණ්නාඩියක්.. ඒකට ටෝච් එකක් ගැහුවොත් ඒ ආලෝකෙං සීයට අසූවක් පරාවර්තනේ වෙනව, සීයට විස්සක් උරා ගන්නව කියල.. ආයි පාරක් ඒ ටෝච් එක ඒ විදිහට ගැහුවාමත් එච්චරම තමයි.. හැබැයි ළමයි, කොන්ඩම් විජ්ජාවෙ හැටියට ආලෝකෙ පොඩි අන්සු හැටියට තියෙන්නෙ.. කන්නාඩියට වැටෙන අන්සු සීයකිං අසූවක් බම්ප් වෙලා එළියට යනව.. ඉතුරු විස්ස ඇතුළට යනව.. හැබැයි ළමයි සීන් එක කියන්නෙ එක අන්සුවක් ගත්තොත් ලොවෙත් කියන්ඩ බෑ, ඒක බම්ප් වෙයිද ඇතුලට යයිද කියල.. I mean, මෙලෝ පුතයෙක්ට කියන්ඩ බෑ.. ඉතිං ළමයි පොඩි පරමානු, ඉලෙක්ට්‍රෝන වාගෙ පොඩි අංසු ඔක්කොම වැඩ කොරන්නෙ ඔය විදිහට.. අන්ප්‍රෙඩික්ටබල්.. ඒව ඊළඟ තප්පරේදි මොන බුලක් කෙලියිද කියල අපි දන්නෑ.. ඕං ඔය කාරණේ හින්දම ළමයි, ඉස්සර හිටපු විජ්ජාඥගොල්ලො හිතපු විදිහට විස්වෙ වෙන හැම මගුලම කලිං ඉඳල කියන්ඩ බෑ.. ඕනෙම මගුලක් වෙනස් වෙන්ඩ පුළුවං අවිනිශ්චිතයි .. මිලර් ගොයිය අන්තිමේ කියන්නෙ, ඕං ඕවයිං සමහර ජුන්ඩි වෙනස්කං දෙයියො උට ඕනෙ විදිහට කොරනව කියල.. 

          ඉතිං බං ඒක ෆික්සු ෆීකුදු කතාවක් නොවැ.. ඔය කියන විදිහට දෙයියො ඉලෙක්ට්‍රෝන, ආලෝක අංශු එක්ක ජිල්බෝල ගහනවයි කියමුකො.. ඉතිං කොහොමෙයි ඒවයින් ඌ ලොකු වැඩ කොරන්නෙ? කැන්සර් හොඳ කොරන්නෙ? කැන්සර් හදවන්නෙ? බස් හප්පවන්නෙ? නැව් ගිල්ලවන්නෙ? ගිලෙන්ඩ යන උං බේරගන්නෙ?? පරිණාමෙං මිනිස්සුංව හැදෙව්වෙ.. මෙහෙමයි මචං.. ජුන්ඩි අංසු වලිං අලි පත වෙනසක් වෙන්ඩ පුළුවන් විදිහවල් ගමකට තියෙනව.. හිතහං කැන්සර් එකක්.. ඒක බෝවෙන්ඩ කලිං එක සයිලෙකට ලෙඩේ හැදිල ඉන්ඩ ඕනෙ.. එක සයිලෙකට හැදෙන්ඩ නං ඒකෙ ඩී.එන්.ඒ වල විකුර්තියක් වෙන්ඩ ඕනෙ.. හිතහං ඒක උනේ ඇක්ස්‍රේ එකක් ගනිද්දි ගියෙ විකිරන හින්ද කියල.. ටෝච් එළිය වාගෙ ඇක්ස්‍රේ විකිරණත් හැදිල තියෙන්නෙ කොන්ඩම් අංශු (පැකට්) වලිං.. ඉතිං හිතහං එයිං එක පැකට් එකක් ඩී.එන්.ඒ වල එක තැනක වැදිල විකුර්තිය උනේ කියල.. ඒ පැකට් එක වෙන තැනකිං ගියා නං ඒක නොවී කැන්සර් නොහැදි ඉන්ඩ තිබ්බ.. ඒක වෙන තැනකිං නොගිහිං ටක්කෙටම එතනිං ගියෙ තනිකරම අහම්බෙං.. කොටිම්ම කැන්සර් එක හැදුනෙ අහම්බෙං.. මිලර් අහන්නෙ ඒක ඒ විදිහට උනේ දෙයියො හින්ද වෙන්ඩ බැරි ද කියල.. පරිණාමෙ ගත්තත් ළමයි, ඒක තනිකරම අහම්බෙං වෙච්චි නැති දෙයක් බව ඇත්ත.. ඒත් ඒකෙ වෙච්චි පොඩි පොඩි විකුර්ති එහෙම වුණේ ලොවෙත් අහම්බෙං.. ඉතිං පරිණාමෙං අපිව හැදෙන තැනට ආවෙ දෙයියොත් පොඩි සප් එකක් දුන්නෙ හින්ද නෙමෙයි කියල අපිට කියන්ඩ පුළුවන්ද?? 

විකිරණ නිසා පිළිකා ඇති වීම

          ඕං ළමයි මිලර්ගෙ මුක්කුව.. දැං කෂ්ටියට පුරස්නයක් ඇතිනෙ, කොසු දහම අදහන තාඹුව ඕකට මොකෑ කියන්නෙ කියල.. වැරි ප්‍රොබ්ලම් නෝ සිම්පල්.. තාඹුවට කියන්ඩ තියෙන්නෙ මෙච්චරයි.. මිලර් කියන විදිහෙ දෙයියෙක් නෑ කියල තාඹුවට ලොවෙත් කියන්ඩ බෑ.. තාඹුව එහෙම කියන්ඩ යන්නෙත් නෑ.. හැබැයි පුතෝ ඔහොම දෙයියෙක් ඉන්නව කියන්ඩ සාක්සි එකක්වත් මිලරය ගේන්නෙත් නෑ.. කොටිම්ම එහෙම එකෙක් ඉන්නව කියන්ඩ ඌටත් බෑ.. ඒක ඌත් පිළිගන්නව.. ඌ කියන්නෙත් "ඕක විස්සාස කොරන්ඩ සාක්කි වලිං බෑ බක්තිය ඕනෙ" කියල.. තාඹුව තේරෙන හිංගලෙං කිව්ව ඌට බක්තිය පන්සීයකුත් තැපැල් කොරල එවහං කියල ඊළඟ ඊබේ ඕඩරෙත් එක්ක.. ම්ම් හ්ම්ම්.. ඒව එක කඩේකවත් නැහැළු.. ඒ හිංද තාඹුව ඕක විස්සාස කොරන්නෙත් නෑ.. එහෙමෙයි කියල විස්සාස කොරන එවුං එක්ක ආරෝවකුත් නෑ.. උං ගොන්නු නෙමෙයි.. තාඹුව දැකලවත් නැති බක්තිය කියන අටමගල කොහෙං හරි හොයාගත්තෙ එවුං..   
       

          හැබැයි ළමයි ජුන්ඩි කොෂ්ෂකුට් නැට්ටෙ නෑ.. දැන් හිතහං කොහොමෙං කොහොමෙං හරි ඔය දෙයියො එක සැරේ මළදානවල් කීපයක් කොරන්ඩ ඕනෙ.. එච්චර ගටක් තියෙන්ඩ නං ඌ ෆට්ට කම්ප්ලෙක්ස් බුවෙක් වෙන්ඩ ඕනෙනෙ.. කාටද කියන්ඩ පුළුවං නූඩ්ල්ස් අත් ප්‍රකෝටි ගණනක් තියෙන පියාඹන ස්ෆැගටි රාක්ෂය නෙමෙයි කියල ඔය දෙයියො?? ඒක පැත්තකිං තියමුකො ආයුබෝං.. එච්චර සංකීර්ණ සිරා බලයක් තියෙන දෙයියෙක් ඉන්නව නං ඌව ඇක්ස්ප්ලේං කොරන්ඩ එපා ද? ඕව ඔක්කොටෝම "දෙයියො තමයි ආරම්භය, ඊට කලිං දෙයක් නෑ ඒක විස්සාස කොරන්ඩ නං බක්තිය ඕනෙ" කියන උත්තරේ නේද දෙන්ඩ වෙන්නෙ?? ඉතිං මචන්ස්, අරූ මට බක්තිය ඩී.එච්.එල් කොරේ නෑනෙ, කොරන්ඩ කිවුවට.. ඈස් අ රිසල්ට්, මම විස්සාස කොරන්නෙ නෑ..

          ඔය කුඩුකේඩුකං පැත්තකිං තියමුකො ආයුබෝං.. මිලරයගෙ තියරිය මං විස්සාස කොළේ නැතුවට ළමයි ඒ තියරියෙං මිලර් සිරා පොට් එහෙකට ඇවිත් ඉන්නව.. විජ්ජාව හින්ද ආගං වලට කෙල වේගෙන කෙළ වේගෙන යනව.. ආගං වල උගන්නපු කතන්දර වලට ෂොට් එක දිදී විද්‍යාව ඉස්සරහට යනව.. ෂොට් එක හම්බේගන හම්බේගන ආගම පෂ්ෂෙං පෂ්ෂට යනව.. හැබැයි මචෝ, කොන්ඩම් විජ්ජාවට පිං (හරි පවු හරි ) සිද්ද වෙන්ඩ එක තැනක් තියෙනව විජාවට එතනිං එහාට යන්ඩ බෑ.. ආගම එතනිං එහාට පැනල ගිහිං ෂෆාන් එකේ ඉන්නව.. හැබැයි පුතෝ ආයි මේ පැත්තට ඒම් බොරු.. මොන මලදානයක් හිංද ඔහොම වෙලා හරි දෙගොල්ලො කටිංවත් ෆයිට් කොරගන්නෙ නැති ලෙවල් එකකට එන එකත් එක අතකට ෂේප්නෙ බොලවු.. අඩුම ගානෙ විජ්ජාව බොරුයි කියල ආගංකාරයො දාන ගොං පාර්ට් හරි නවතියි නොවැ..