සාදරයෙන් පිළිගනිමු!!

Thambu's foothold in blogsphere

Monday, September 19, 2011

සොක්‍රටීස් සහ තාඹු


බම්බුවෙ බ්ලොගයක් හැදුවට පස්සෙ ලියන්ඩ මෙලෝ දෙයක් ඔළුවට එන්නෙ නෑ.. මොන ඇන්නෑවක්ද මන්ද? බුකියෙදි නම් ගමකට දේවල් එනව.. මොකක්ද මේ ද්වෛතය? ආහ්, හරි.. තේරුණා.. අළුතින් ලියන එක නෙමෙයිනෙ බුකියෙ කරන්නෙ, මොකෙක් හරි මට වඩා චා හාල්පාරුවෙක් ලියපු එකකට උත්තර දෙන එකනෙ.. නැත්තම් හිතට ආපු ආවේගයක් හෙන ගේමක් දීල අකුරු 420ක් ඇතුළට කොටු කරන එක නෙ.. තනියම හිතාගෙන දිගට ලියන්ඩ යනකොට ඔළුව බ්ලෑන්ක් වෙන එකෙන් කියවෙන්නෙ මොකක්ද?

1. මම කිසිම මතයක් දැඩිව ගත්තෙකු නොවන බව ද?
2. කිසියම් මතයක් දැඩිව ගත්තත් බැලු බැලූ අත බෝ දනා ලීමෙන් ලියන්නට හිත් නොදෙන බව ද?
3. දැඩි මත තියෙන ඒව බුකියෙ දාල දාල දැන් ඇති වෙලා තියෙන හන්ද දාන්ඩ හිත් නොදෙන බව ද?
4. කොල්ල අම්බානට බය වෙලා ද?

නෑ.. මම හිතන්නෙ ඒ එකක්වත් නෙමෙයි.. මම දැඩිව ගත්තෙක් නොවන බව නම් ඒකට සෑහෙන හේතුවක් වෙන්ඩ ඇති.. නමුත් මම හිතන්නෙ මගෙ සමස්ථ පොයින්ට් ඔෆ් විව් එකම හැදිල තියෙන්නෙ අනික් වුන් කියන කරන දේවල් තුලනාත්මකව කිරා මැන බැලීම සදහා.. ඒ අය කියන, කරන දේවල් මේ මේ හේතු නිසා වැරදියි කියල කියනව මිසක්කං "මෙන්න මේක හරි ය" කියල දැඩිව කියන්ඩ මට අයිතියක් නෑ කියලයි මම හිතන්නෙ.. ඕක "මතවාදීමය අරාජිකත්වය" ලෙස යමෙකුට තර්ක කරන්ඩ පුළුවන්.. නමුත් ගැටළුව තියෙන්නෙ "අහවල් එක හරිය" කියල මම කිව්වොත් ඒකත් අනික් අය එල්බගෙන ඉන්න මත වලින්ම එකක් බවට පත් වීමයි.. ඉතිං අයිබොං ඒකට මෙතන බොලොගයක් හදන්ඩ ඕනෙ ය?

මේ අදහසේ හිටියෙ මම විතරක් නෙමෙයි.. බටහිර දර්ශනයේ අසහාය පොර ලෙස සැලකෙන සොක්‍රටීස් උන්නැහේත් හිටියෙ ඒ වගේ අදහසක.. තමුන්ගෙ කියල කිසිම අදහසක් ඉදිරිපත් නොකරන උන්නැහේ අනික් එකා කියන්නෙ කෙප්ප කියල පෙන්නන්නෙ අනික් එකාගෙම තර්ක ඇසුරෙන්.. අන්තිමේ අනික් එකා මුලදි ඇත්තය කියපු එක ඌම "බොරුය" කියන තැනට ආවහම විවාදෙ නවතිනව.. එක්කො අනික් එකාට මල පනිනව (සොක්‍රටීස්ට පරය, බොරුකාරය, එන්ජීඕ ඩොලර් කාක්ක, ජාතිද්‍රෝහිය, මිත්‍යාදෘශ්ටිකය,සිංහල කොටිය -ආ නෑ, ග්‍රීක් කොටිය-, කොන්ට්‍රඇන්ටිඩිසෙස්ටැබ්ලිශ්මෙන්ටේරියානුව, ඇමෙරිකන් ගැත්ත ආදී වශයෙන් බැන වදිනව ).. නැත්තන් ඌ "කමින් කලර් නෝ ගුඩ්" කියල ශේප් වෙලා යන්ඩ යනව (ෆේස්පාල්ම් ).. මේ දක්ෂතාවය නිසාම සොක්‍රටීස්ට ගෞරව කරපු උන් "තර්කය වට කරකැවීමේ" අති දක්ශයෙකු සහ සොක්‍රටීස්ගේ සීයා වන ඩයිඩලස්ගේ නම සොක්‍රටීස්ට පටබදිනව.. මේකට නිදසුනක් ලෙස සොක්‍රටීස් සහ යුතිප්‍රෝ අතර දෙවියන් ගැන ඇති වූ වාදයක් ඊළග පෝස්ටයේදී දක්වන්නම්..

මේක ලිවුවෙ තාඹුත් සොක්‍රටීස් වගේ බුවෙක් කියල පෙන්නන්ඩ නෙමෙයි.. නමුත් අඩුම තරමෙ සොක්‍රටීස්ට "සිරා කොල්ලෙක්" කියන එක කිසිසේත් ඕවර්-ජෙනරස් වීමක් නෙමෙයි.. කොහොම හරි මට කියන්ඩ ඕනෙ වුණේ, තමන්ගෙම කියල අදහසක් හදා ගැනීමේදි මම අනුගමනය කරන  ක්‍රමය ගැන බොහෝ දුරට සොක්‍රටීස්ගෙන් ගුරුහරුකම් ගන්න බවයි.. එනම් මගේ අදහස් බොහෝ විට, පවතින විශ්වාස, ඇදහිලි, මතවාද අනුකම්පා විරහිත කියතකින් කපා සංසංදනය කළහොත් එළඹිය හැකි කිසියම් ඩිෆෝල්ට් තත්ත්වයක් යයි දැනට හිතා ගන්ඩකො.. (ඩිෆෝල්ට් කිවුවට ඩිෆෝල්ට්මත් නෙමෙයි, මොකද කියත හදල තියෙන්නෙ "ජාත්‍යන්තර තාඹු ප්‍රමිතිය"ට නිසා.. ඒක නිසාම තමයි අනික් අයට ඒ ගැන කියන්ඩ තියෙන දේවල් වැදගත් වෙන්නෙ, මොකද ඕනෙම නම් කියතෙ තල ගාන වෙනස් කරගන්ඩ පුළුවන් නිසා..)

මගේ අදහස් හරියටම මේව යයි කීම මටත් ටිකක් ටැපලෙන වැඩක්.. ඉදිරියේදී ඒ අවුල ටික ටික ලියල ක්‍රම ක්‍රමයෙන් ඉදිරිපත් කරන්නට උත්සාහ කරන්නම්.. මෙම බ්ලොගයේ රැදී සිටින්න.. ස්තුතියි,

-තාඹු  

12 comments:

  1. This comment has been removed by a blog administrator.

    ReplyDelete
  2. sorry.. this is dedicated to Sri Lankan readers.. An English blog is on the way..

    ReplyDelete
  3. sorry Prashawn, didnt mean to remove your post.. It was a pure accident.. Please repost it.. thanks,

    ReplyDelete
  4. Hey Thabu,

    You just started the right thing. Among the most junks out, I am sure you can add something valuable to the nation and the mankind.

    Go for it. Good Luck

    ReplyDelete
  5. Thanks Sinhala Islam.. Lemme try my best :)

    ReplyDelete
  6. where is that post about the debate about gods?? :)

    ReplyDelete
  7. Damith.. Please be patient with me sir.. It will come within next few hours.. In fact i had to give priority to another two posts.. Thanks for your interest..

    ReplyDelete
  8. he he.. no rush brother. I'm just curious...

    ReplyDelete
  9. අඩේ මේක සිරා බ්ලොග් එකක් බන්

    ReplyDelete
  10. එල.

    සොක්‍රටීස් වගේ ඉන්නවනං කඩෙන් කන්න එපා.

    ඒ කියන්නේ තාම්බුවා සොක්‍රටීස් වාදියෙකි.

    හොක්කි හොක්කි හූ

    ReplyDelete